एकाच शब्दाचे भिन्न अर्थ शोधणे
-------------------------------------
नमस्कार विद्यार्थी मित्रांनो, शिष्यवृत्ती परीक्षा, प्रज्ञाशोध परीक्षा यांसाठी उपयुक्त माहिती. एकाच शब्दाचे भिन्न अर्थ शोधणे.
शब्द एकच मात्र त्याचे वेगवेगळे अर्थ असणे ही एक भाषेतील गंमतच म्हणावी लागेल. खालील शब्द व त्याचे भिन्न अर्थ समजून घ्या व वाक्यरचनेनुसार शब्दांचे योग्य अर्थ लावा.
-------------------------------------
शब्द - वेगवेगळे अर्थ
-------------------------------------
अनंत - अमर्याद,परमेश्वर
अभंग- न भंगलेला,काव्यरचनेचा एक प्रकार
आस - इच्छा, गाडीच्या दोन चाकांना जोडणारा कणा
अक्षर - पूर्ण उच्चाराचा वर्ण, अविनाशी
अंग - शरीर,भाग,बाजू.
कर - हात,किरण,एक क्रियापद
कसर - सूट,कमीपणा,एक किडा
कोळी - मासे पकडणारा,जाळे विणणारा किडा
काळ - मृत्यू, वेळ
कर्ण - कान, महाभारतातील योद्धा,त्रिकोणातील काटकोना समोरील बाजू
काप - तुकडा, कंप
खडा - उभा, लहानसा दगड
खोड - मस्ती,झाडाचा बुंधा
गुण - चांगल्या सवयी, दोरी
घाट - नदीवर बांधलेल्या पायऱ्या, डोंगरातील रस्ता
चिरंजीव - मुलगा,दीर्घायुषी
जलद - ढग,त्वरेने
जीव - प्राणी,प्राण
तीर - नदीचा काठ, बाण
अंतर - लांबी,मन,भेद
ओढा - मनाचा कल,पाण्याचा लहान ओघ
अर्थ - पैसा,आशय
अंक - मांडी,आकडा(संख्या)
अंबर - आकाश,वस्त्र
काच - जाच,पारदर्शक पदार्थ
काम - इच्छा, कर्तव्य
कोरडा - सुका,चाबकाचा फटकारा
कळ - भांडणाचे कारण, गुप्त किल्ली, वेदना
खोड - सवय, झाडाचा बुंधा
खल - दुष्ट , कुटण्याचे साधन
गदा - संकट, शस्त्र
गंध - वास,कपाळावरील टिळा
चपला - वीज, वाहाणा
जीवन - आयुष्य,पाणी
जागा - ठिकाण,जागृत
डाव - कारस्थान,कपट,खेळी
तळी- तलाव,ताम्हण
तट - कडा,किनारा,किल्ल्याची भिंत
दल - पाकळी, संघटना
ध्यान - मनन,चिंतन, भोळसट व्यक्ती
नाव - होडी,कशाचेही नाव
पात्र - भांडे, नदीचे पात्र, नाटकातील पात्र
पार - झाडाच्या भोवतालची जागा, पलीकडे
पत्र - चिठ्ठी,पान
पक्ष - भाग,श्राद्ध,बाजू,राजकीय संघटना
पट - वस्त्र, कुस्तीतला एक डाव
भेट - भेटणे,नजराणा
माया - धन,ममता
मान - शरीराचा एक भाग, मोठेपणा
वर - श्रेष्ठ,पती,आशीर्वाद
वाणी - वाचा, व्यापारी
वल्ली - स्वच्छंदी,व्यक्ती,वेल
वाली - वानराचे नाव,रक्षणकर्ता
शिळा - जुना, मोठा दगड
सूत्र - दोरी,धोरण
सूत - धागा, सारथी
किताब - पदवी,पुस्तक
हवा - वारा,पाहिजे
द्विज - पक्षी,ब्राह्मण
दंड - शरीराचा भाग,शिक्षा, काठी
धड - अखंड, माने खालील शरीराचा भाग
नाद- छंद,आवाज
पूर - पाण्याचा पूर, नगर
नाग - सापाची जात,हत्ती
पय - पाणी, दूध
पर - परका,पीस, परंतु
भाव - भक्ती,किंमत,भावना
माळ - फुलांची माळ,ओसाड जमीन
मात्रा - उपाय, औषध, गोळी
माठ - पाण्याचे भांडे,एक प्रकारची भाजी
वजन- तराजूचे वजन,वचक
वात - वारा, दिव्यातील वात
वारी - पाणी, यात्रा
विभूती - अंगारा, रक्षा, भस्म
शृंग - डोळे, शिंग, शिखर
सुमन - पवित्र मन, फूल
हार - पराभव, फुलांचा हार
कोट - किल्ला,अंगरखा
-------------------------------------
धन्यवाद !
-------------------------------------
No comments:
Post a Comment